„To je serbskej duši jara tyło“
Publikováno: 4.7.2012
Sta Serbow su so njedźelu do Prahi podali, zo bychu tam oratorij „Nalěćo" a sokołski zlět dožiwili. Marko Wjeńka je so někotrych za jich zaćišćemi woprašał.
Dawid Statnik, předsyda Domowiny: Bě to w prěnim rjedźe wulki słowjanski podawk a dobytk Serbam kaž tež našim čěskim přećelam. To bě balsam słowjanskej wutrobje. Nimo toho běchu tež wonkowne wuměnjenja, technika a samo wjedro perfektne. Z cyłeje wutroby dźakuju so wšitkim sobuskutkowacym. Serbja su sej ze zarjadowanjom w Čěskej zaso raz dobre mjeno činili.
Jan Wjesela z Chrósćic: Mi so zajimawa kulisa Valdštejnskeje zahrody a tamniša wulkotna akustika wosebje lubitej. Wulce je mje zwjeseliło, zo bě předstajenje oratorija tak derje wopytane. Ludźom je so jara spodobało, štož wšak přiklesk dopokaza. Běchmy so krótkodobnje za jězbu do čěskeje stolicy rozsudźili, njejsym pak to wobžarował.
Stani Nawka z Hamburga: Bě to jónkrótne a jimace dožiwjenje. Čujach so kaž na lońšim zbóžnoprajenju Alojsa Andrickeho: Wšudźe sym Serbow zetkał. Derje, zo běchu woni tež na sokołskim zlěće prezentni. Po zbóžnoprajenju a europeadźe bě to nětko třeći wjeršk w běhu lěta. To je serbskej duši jara tyło.
Pětr Bejmak z Miłoćic: Běch z delegaciju Sokoła Ralbicy/Hórki w Praze. Wšitko bě wuběrnje organizowane. Smy so z tójšto Sokołami z druhich krajow a z jich zahoritosću za sokołske hibanje zeznajomili. Po swjedźenskim ćahu pobychmy na předstajenju „Nalěća" a wobdźiwachmy dobru akustiku. Publikum je oratorij dźakownje přijimował, to bě widźeć a słyšeć. Widźeć tež bě, z kajkim wjeselom spěwarjo oratorij zanošuja. Škrička je na připosłucharjow widźomnje přeskočiła, tak zo knježeše samo euforija.
Monika Nukowa z Radworja: Wulkotne to dožiwjenje, zo běchu Serbja wosrjedź čěskeje stolicy takle masiwnje prezentni, štož drje w tej formje hišće njemějachmy. Tež wonkowne a techniske wuměnjenja běchu perfektne. Mam to za podobnje wulki narodny wjeršk kaž europeadu. Nimo toho mějachu wobdźělnicy składnosć sej Prahu wobhladać. Tež Serbski seminar su mnozy prěni króć scyła widźeli. Bě to jara poradźeny dźeń.
Sleduji rozdíly mezi češtinou a lužickou srbštinou, zajímá mě to. Doufám, že tato řeč nezanikne!
Kde mluvíte touto řečí? V Budyšíně, Zhořelci, v Žitavě, Chotěbuzi?
Mirku, pokud Vás to opravdu zajímá, tak napište na luzice zav. luzice.cz a vyžadujte odpověď do diskuze pod článkem :-) Já bych totiž zase potřeboval vědět, v jaké tiskovině tento článek vyšel, abych to opravil do záhlaví. Jinak tipuji spíš hornolužickou srbštinu - Domowina sídlí v Budyšíně a Chrósćice jsou také v Horní Lužici. David